وصفاااات طبيعيه للهالات السوداء*****
1-وصفه الشاي الاخضر او الكاموميل(البابونج):
تمتاز الوصفه دي انها هتعالج الهالات السوداء والانتفاخ اللي بيبقي حولين العين
طب نعملها ازاي يا بنوتااااات؟؟؟
.هتجيبي باكت او كيس الشاي الاخضر او البابونج اللي عندك يعني
.هتحطيه ف ميه سخنه لمده 10 دقايق
.بعدين هتاخدي الكيس ده بعد ماتطلعيه من الميه وتحطيه ف التلاجه لمده نص ساعه
.بعدين تحطيه ككمادات ع عينيكي لمده 20 دقيقه
.كرري الموضوع ده مره او مرتين يوميا لمده اسبوع او 10 ايام وهتشوفي الفرق بنفسك
2-زيت اللوز الحلو*****
ميزه زيت اللوز غير انه بيضيع الهالات السوداء انه بيدي نضاره لمنطقه حول العين بطريقه جذااابه
.هتنضفي بشرتك كويس اوووي قبل ما تنامي
.هتجيبي قطنه وتحطي عليها زيت اللوز وتبتدي تدهني منطقه ماحول العين بطريقه داءيريه
.نامي بيه طول الليل والصبح اغسلي المكان بمياااه بااااارده مش فاتره
.كرريه مرة يوميا لمده اسبوع وشوفي الفرق
3-اوراق النعناع****
.هتجيبي اوراق النعناع الاخضر وتفرميها كويس
.ممكن تحطي عليها معلقه عسل ابيض ومعلقه زيت زيتون والخطوه دي اختياريه
.حطي ورق النعناع ع مكان الهالات السوداء لمده 20 دقيقه وبعدين اغسليه بماء باااارد
.كرريه يوميااا لمده اسبوعين وشوفي التتيجه
4_ماء الورد
تمتاز ماء الورد بمميزات كتيره اوووي للبشره لو هنقعد نقولها يبقي هنقعد للسنه الجااايه
المهم هي حلوه اوووي للهالات ونضاره المكان اللي حولين العين
.هتجيبي قطنتين وتغمسيهم ف ميه الورد
.حطيهم ع عينك وانتي ف وضع الاسترخاء
.سبيهم لمده 15 دقيقه وماتغسلهااااش
.كرري الموضوع ده يوميااا وفي خلال اسبوع هتختفي الهالات السوداء
5-الثلج
بجد التلج؟؟؟ وطبعا مفيش اكتر منه اليومين دووول اديكم شايفين الحر والسيحان اللي احنا فيه
هتجيبي التلج وتعملي كمادات حولين عينك لمده 10 دقايق وياريت تعملي الموضوع ده يومياااا لمده اسبوع
كده انا قدمتلكم شويه وصفااات طبيعيه للهالات السوداااء مستنياكم تجربوهااا وتقولولي رأيكم ضروري
لو فيه اي سؤال او استفسار اسألوا ماتتكسفوش ياجماعه والله هرد عليكم.