هنتكلم عن الهالات السودا وحالات العين عموما
قبل ما نبتدي لازم نعرف ان المنطقة حوالين العين eye contour ،هي منطقة خاصة والجلد اللي فيها ارق جلد في الوجه والدورة الدموية اللي فيها عالية جدا
عشان كدة المفروض يبقي ليها عناية خاصة وكريمات وغسول خاص بمنطقة العين عشان ما تتحسسش والاسمرار وطبعا عشان ما يخشش العين
***طب خلينا نقسم المشكلة ل3 انواع ..انتفاخ واجهاد،اسمرار،تجاعيد
*انتفاخ العين
في الغالب بيكون سببه ارهاق او تغيير مواعيد النوم ،اكل املاح كتيرة في الاكل،النوم بالميكاب
ودي انا ممكن اصححها عن طريق تحسين السبب نفسه،شرب سوائل كتير ،البعد عن المنبهات،خضروات ،فيتامين بيه مضادات اكسدة زي E,C,Zinc
من الحاجات الطبيعية اللي بتفيد هي شرايح الخيار مساء،او باكت شاي يكون معمول قبل كدة من غير سكر واحطه عالعين لنص ساعة يوميا مساء
ولو الموضوع زايد ممكن اجيب كريم عين يحتوي علي كافيين 5%،نتايجه هايلة واحطه بالليل
لو غالي عليا ممكن اتبع ماسك الكافيه في بوست سابق كويس جدا بس من غير ليمون او زيت
**اسمرار تحت العين
خلينا ناخد بالنا في الاول ان لو اللون مايل للازرق شوية قد يكون بسبب الارهاق ،وكل ما سبق
ممكن اللون المتغير يكون بسبب انيميا(فقر الدم)،سوء تغذية ،التدخين
اعملي صورة دم كاملة الاول واتطمني علي نفسك وعالجي السبب نفسه
-لو كان اسمرار عادي مايل للاسود
فيه حل الليزر وهو مكلف بس نتايجه سريعة ابن الاية
وفيه كريمات مبيضة (مخصوصة للعين للمرة الخماشر)
دوري عالمنتجات اللي بتحتوي علي حمض الكوجيك،هيدروكينون،فيتامين سي،ريتينول retinol,hydroquinon,vit.c,kojic acid
اصبري عالنتايج لشهر ونص عالاقل وهتلاقي نتيجة حلوة واستخدمي دايما غسول للعين
***التجاعيد حول العين
فضلت اننا نخليها في موضوع لوحده
لكن تصبيرة كدة الكريمات اللي فيها ريتينول وهيالورونيك retinol,hyaluronic acid
نتايجها سريعة وبتستخدم مرة مساء
رأيكو واستفساراتكو نعتز بيها