ماسك القهوة ..جامد بسسسسس D:
مفيد اوي في حالات اجهاد البشرة والانتفاخ والاجهاد تحت العين والخطوط التعبيرية للوجه
بيحسن الدورة الدموية وبيديكي نضارة فورية
يللا نخش المطبخ
1/اربع معالق صغيرة من قهوة الحاج بس ابوس ايدك اتأكدي انها مش محوجة او هاتي كيس بقي وامرك لله
2/اربع معالق كاكاو خام ،بلاش نسكويك .عشان السكر ...واخوكي او ابنك ما يعملش ثورة
3/معلقتين كبار زبادي
4/للبشرة الجافة والعادية معلقتين عسل
وللبشرة الدهنية شوية عصير ليمون مركز
***هتأكد ان القهوة والكاكاو مطحونين كويس
اخلطيهم مع بعض وحطي عليهم الزبادي واضربيهم كويس لحد ما يبقو عجينة
يفضل انك تسخني العسل في حمام مية او ميكروويف قبل ما يتخلط عالميكس الجامد دة
اخلطيهم وحطيهم علي الوجه والرقبة بتدليك بسيط في الاول وبعدين اعملي طبقة وسيبيه يجف خالص
30 دقيقة لساعة واغسلية بمية سخنة وامسحي وشك بقطنة ومية ورد او تونر مناسب لبشرتك
***البشرة الدهنية نفس ما سبق بس ليمون مكان العسل
***لو البشرة جافة جدا ممكن اضيف معلقة زيت لوز حلو ،مفعولها رائع
***كومنت للي جرب
الرئيسية 
