وصفات جديدة لحمام الزيت

هنقولك علي وصفات جديدة لحمام الزيت متجربة لنتايج راااائعة من المرة الاولي
بس في الاول عايزين نتكلم مع بعض عن بعض النصايح لعمل حمام زيت فعال
1-جهزي الزيوت واخلطيها كويس في حمام مية سخنة وهي تبقي في طبق
2-قبل ما تحطي الزيت علي شعرك حطي علي راسك فوطة بمية سخنة وسيبيها ربع ساعة علي الاقل ولو اكتر احسن
3-ما تستخدميش قبل الحمام شامبو!!!
4-وانتي بتحطي الزيت علي شعرك قسميه كذا قسم واتأكدي انك دلكتي فرة الراس بيه وفرقتيه بكفك علي كل الشعر
5-استخدمي مشط واسع خشب وبعدين مشط اضيق ,شربيهم من الزيت وسرحي بيهم كل شعرك عشان اتأكد ان كل شعرك متغطي بالحمام وسرحيه في اكتر من اتجاه,وطبعا لازم نسرح من تحت الاول وبعدين من فوق عشان ما يتساقطش
6-تسيبي الحمام علي شعرك ساعة علي الاقل,وكل ما كان اكتر كان احسن ,ننصحك انك تعمليه وتباتي بيه للصبح
7-اغسلي شعرك بشامبو اطفال في الاخر
8-هاتي زيت عطري زي اللافندر وادهني بيه شعرك بعد ما تخلصي ,هتبقي ريحته تجنن وبيلمع

***************************************
*********************************
****خلصنا نصايحنا ونرحب بنصايحكو في التعليقات
وحااااااااااان وقت الخلطات
هاتي زيوت صافية من حد مضمون واخلطيها في البيت احسن لك واوفر
1-شعر جااااف اوي وباهت
-5 مللي من :زيت زيتون,حبة البركة.جرجبر,لوز مر
-10 مللي من زيت جنين القمح
-هاتي كبسولتين زيت اويجا 3 من الصيدلية وافتحيهم علي الخلطة دي
واعملي زي ما قلنا الاول
*****************************************************
2-متساقط ومتقصف
-5مللي زيت توم,روز ماري(اسمه برضه اكليل الجبل او حصي لبان)وخروع وجوز هند
-10 مللي زيت سمسم
-2.5 مللي زيت لافاندر او ياسمين عشان ريحة التوم
*****************************************************
3-تكثيف الشعر
-5مللي زيت جنين قمح,خروع,سمسم,لوز مر
-10 مللي زيت جرجير
-2 كبسولة اوميجا 3 افتحهم علي الخلطة (هنجيبها من الصيدلية)

****************************************************
4-تطويل الشعر
-5 مللي زيت توم,زيت السدر,ثمرة الافعي,زيتون,حلبة
-2.5 مللي زيت لافندر او ياسمين

-وبكدة يبقي خلصنا ويا ريت تكونو استفدتو معانا