***شامبو وبلسم
الشامبو المناسب لنوع شعرك ما ينفعش تستخدميه اكتر من 3 مرات في الاسبوع عشان اكتر من كدة بيزيل افرازات الشعر الطبيعي ويخليه متكسر وباهت
طب انا بحب اغسل شعري كل يوم؟!
بسيطة ،بقية الاسبوع استخدمي شامبو اطفااااال ،الطف حاجة عالشعر
الشامبو 3 دقايق مع التدليك والبلسم بعديه 3 دقايق ولو اكتر احسن
***تصفيف الشعر
عشان المظهر والترطيب ،اختاري بين
-كريم..خفيف وما بيقعش
-زيت..ولينا بوست تاني لانواع الزيوت وفوايدها
-سبراي مثبتhair sprayبعد ما تخلصي تسريحتك رشيه علي شعرك وما تسرحيش تاني،بيثبت الشعر في الفورمات
-رغوة تثبيتhair mousseبترشيها عالشعر قبل التسريح و بتسرحي وتعملي التسريحة وتسيبيها تثبت وما تحطيش تاني،بتثبت زي الاسبراي والجيل
-جل..بيتحط ويتعمل بيه التسريحة وبعدين بثبت من فوق برضه
***ترطيب وعلاج
علي الاقل لازم نعمل واحدة من الجايين دول مرة اسبوعيا عشان نرطب ونعالج اجهاد الاسبوع ..لو مرتين يبقي احسن
-حمام كريم..تدليك للشعر بعد حمام بخار ويتساب عالشعر 30 دقيقة علي الاقل ويتغسل بشامبو الاطفال مش شامبو تاني عشان ما اطيرش المرطبات والزيوت
-حمام زيت..بيتحط عالشعر ويتدلك ويتساب لمدة ساعة اقل حاجة واغسل برضه بشامبو اطفال..في حالة حمام الزيت بس ممكن نبات بيه للصبح بيدي نتايج احلي بكتييير
-ماسك الشعر hair mask حاجة جديدة ..بيبقي مفعوله اسرع وبيتحط عالشعر من 5 ل10 دقايق ويتغسل..ما بيسيبش منظر دهني للشعر،مثالي للمستعجلينD:
-سيرومserumلو الشعر متقصف..ممكن استخدمه مرتين او مرة بالليل حاجة بسيطة بدلك بيها الفروة وامشيها عالشعر ..ساعات بيجفف الشعر ساعتها استخدم شامبو وكريم مرطب
وبسسسس خلاص
الرئيسية 
