يجي سؤال بيسالوه كتير من الناس وهو علاقه واقي الشمس وكريم الاساس او البودر
وعشان نفهم الناس العلاقه دي كويس لازم نسال كذا سؤال
1- هل ممكن استخدم كريم اساس مع واقي الشمس ولا لأ
2- هل واقي الشمس لوحده يكفي وممكن يديني نفس نتيجه استخدام كريم الاساس مع واقي الشمس ولا لأ
3- لو هستخدم كريم اساس ازاي اختار المناسب ليا
4- طب لما اجي استخدم كريم الاساس احطه قبل ولا بعد واقي الشمس
هنبتدي نجاوب علي سؤال سؤال عشان نوضح الموضوع.
اولا: ممكن استخدم كريم اساس او بودر مع واقي الشمس
ااه ممكن طبعا نستخدمهم مع بعض مفيش اي مشكله ولكن ناخد بالنا بالنسبه للبشره الدهنيه يفضل استخدام البودر وليس كريم الاساس لاننا عارفين ان البشره الدهنيه دايما بتفرز دهون. طب هتقولولي اننا اختارنا واقي الشمس المناسب هقولكم: ان المشكله ف كريم الاساس ممكن يزود الدهون اللي علي البشره وبكده نكون اجهدنا البشره جدا وف الاخر النتيجه هتدينا مظهر غير مرغوب لذلك يجب استخدام البودر مع البشره الدهنيه ويستحب ايضا مع البشره المختلطه انما باقي انواع البشره فيمكن استخدام كريم الاساس مع واقي الشمس عادي جداا.
ثانيا: هل واقي الشمس لوحده يكفي
هقولوكم مش مع كل الانواع بمعني ان انواع واقي الشمس اللي تكفي لوحدها وتديني نفس نتيجه استخدام كريم الاساس مع واقي الشمس هي اللي spf بتاعتها اكتر من 60 وعرفنا ده معناه ايه يعني معامل الحمايه بتاعها اكتر من 60 لان بيكون معاها ماده بتدي نفس نتيجه استخدام كريم الاساس
ثالثا: ازاي اختار كريم الاساس المناسب او البودر عامه
بتبقي في درجات سواء من كريم الاساس او البودر طب هتسالوني برضه اختار ازاي
هقولكم تشوفوا درجه بشرتكم وتجيبو درجه افتح منها بدرجه واحده وتجربوها ع كف ايديكم زي الصوره الاولي وبعدين تحاولو توزعوها كويس لغايه ما البشره تمتصها هتلاقوا انها ادت درجه قريبه جدا من اللون الطبيعي لبشرتكم وده اللي هيبقي مناسب ليكوا
رابعا: هنيجي لاخر سؤال احط كريم الاساس امتي قبل ولا بعد واقي الشمس
هتحطوووه بعد هاااا بعد ولاخر مره بعد واقي الشمس
اولا هتحطوا واقي الشمس كويس جدااا قبل ما تتعرضوا لاشعه الشمس بنص ساعه واتاكد ان البشره امتصته كويس وبعدين احط كريم الاساس من اسفل لاعلي وابعد عن محيط العينين واوزعه كويس وبكده اقدر انزل واقضي يومي مفيش اي مشاكل
طب بالنسبه لو انا نازله بالليل انا مش محتاجه ساعتها واقي شمس ممكن احط اي كريم مرطب عادي للبشره وبعدين احط كريم الاساس عادي جدااا
والكلام ده ينطبق علي البودر ايضاااا
اتمني نكون افادناكم النهارده واي سؤال اسألوه واحنا هنجاوب عليه